Lög félagsins eru:

1.gr .

Félagið heitir Hringhorni

2.gr.

Heimili félagsins er Jaðarsbraut 39 og varnarþing þess á Akranesi

3.gr .

Tilgangur félagsins er að kynna og sýna lífshætti Íslendinga  á víkingaöld.

Stuðla að aukinni þekkingu þess tíma.

4.gr .

Tilgangi sínum hyggst félagið ná með að því að sviðsetja lífshætti Íslendinga frá 900 til

1100 þ.e með klæðaburði, handverki, eldamennsku og fornum leikjum.

Stuðst er við þá vitnesku sem  til er.

5.gr .

Stofnfélagar eru :

Helgi Hafsteinsson

Jóhann B. Guðmundsson

Jón Ingi Gylfason

Knútur Örn Bjarnason

Ramona Hedberg

6.gr .

Öllum er heimil innganga í félagið.

7.gr .

Stjórn félagsins skal skipuð fjórum félagsmönnum, lýðræðislega kosnum

á aðalfundi þ.e. Formanni og 3 meðstjórnendum . Stjórnarmenn og formaður skulu kosnir til

eins árs í senn. Formaður boðar stjórnarmenn á stjórnarfundi þegar þurfa þykir.

Dagleg umsjón félagsins annast félagsmenn.

Firmaritun félagsins er í höndum meirihluta stjórnar.

8.gr .

Starfstímabil félagsins er almanaksárið. Á aðalfundi félagsins skal stjórn gera upp

árangur liðins árs.  Aðeins fullgildir félagsmenn mega vera þátttakendur á aðalfundi.

9.gr .

Árgjald félagsins er 4000 krónur og er innheimt með gíróseðli.  Einstaklingar geta gerst

ævilangir félagar með því að greiða sem svara 10 ársgjöldum yfirstandandi árs.

Gjalddagi félagsgjalda skal vera 1. febrúar eigi síðar enn tveimur mánuðum eftir gjalddaga.

Hafi greiðsla ekki borist fyrir þann tíma telst viðkomandi ekki fullgildur félagi.

10.gr .

Rekstrarafgangi/hagnaði af starfsemi félagsins skal varið til uppbyggingu félagsins og

aðstöðu þ.e efniviður í fatnað, tjöld og annað sem þjónar tilgangi félagsins.

11.gr .

Ákvörðun um slit félags verður tekin á aðalfundi með auknum meirihluta og verður að

minnsta kosti helmingur atkvæðisbærra manna að vera mættur og  ¾ hluti hinna mættu að

styðja slit þess. Verði félagið lagt niður renna eignir þess til Byggðasafnsins Görðum á Akranesi.

12.gr . Aðalfundur

Haldinn skal aðalfundur í febrúar-mars ár hvert. Þar skal taka fyrir venjuleg mál

aðalfundarstörf samkvæmt lögum félagsins. Stjórn boðar skriflega til aðalfundar með hið

minnsta 14 daga fyrirvara.  Aðalfundur hefur æðsta vald í öllum málum félagsins og er

því aðeins löglegur sé löglega til hans boðað.

13.gr .

Rétt til setu á aðalfundi hafa: Fullgildir skuldlausir félagar samkvæmt 9. gr.   Stjórn getur

einnig boðið, ef sérstök ástæða þykir, öðrum aðilum á fundinn. Kosningarétt á aðalfundi

hafa einungis mættir skuldlausir félagar,  eldri en 16 ára.

14.gr .

Formaður setur fundinn og kosinn er fundarstjóri. Fundarstjóri gerir tillögu um

fundarritara og sker úr um öll atriði varðandi meðferð mála og atkvæðagreiðslur nema

sérstök ástæða sé að vísa því til fundarins.

15.gr .

Á aðalfundi skulu tekinn eftirfarandi mál:

1. Inntaka nýrra félaga.
2. Lesinn er fundargerð síðasta aðalfundar.
3. Stjórn og nefndir gefa skýrslur um starfsemi liðinst árs.
4. Stjórn leggur til endurskoðaða reikninga síðasta árs.
5. Lagabreytingu samkvæmt 16. grein laga félagsins
6. Kosningar til formanns og stjórnar og varamanna.
7. Tillögur um inntökugjalds og ársgjald í félagssjóð.
8. Önnur mál.

Kosningar skulu vera skriflegar nema fundurinn samþykki annað.  Allar tillögur skulu

vera skriflegar. Stjórnarskipti fara fram strax að loknum aðalfundi.

16.gr .

Lagarbreytingar má aðeins leggja fram til samþykktar á aðalfundi.  Þær ná fram að ganga

að 2/3 hlutar mættra fullgildra félaga séu þeim samþykkir.  Séu þær felldar og bornar upp

samhljóða eða efnibreytingarlaust á næsta aðalfundi ná þær aðeins samþykki með ¾ hluta

atkvæða mættra fullgildra félaga.  Tillögur til lagabreytinga verða að hafa borist stjórn að

minnsta kosti sjö dögum fyrir aðalfund og þær kynntar félagsmönnum eigi síðar en

fimm dögum  fyrr.

17.gr .

Stjórn kveður til aukaðalfundar þegar þess er þörf eða ef a.m.k 1/5 fullgildra félaga óski þess,

enda gera þeir áður grein fyrir fundarefninu.  Til aukaðalfundar skal boða skriflega

með a.m.k tveggja vikna fyrirvara.

18.gr. Stjórn

Stjórn félagsins skal skipa fjóra, formaður og 3 meðstjórnendur, lýðræðislega kosnir á aðalfundi.

Á fyrsta stjórnarfundi eftir aðalfund skulu formaður og meðstjórnendur skipa í

stöðu varaformanns, gjaldkera og ritara.  Forfallist aðalmenn í stjórn eða hætta störfum

skal kalla til varamann sem tekur sæti í fullskipaðri stjórn.

19.gr .

Formaður kveður til stjórnarfundar ef þörf krefur eða tveir stjórnarmeðlimir óski þess

enda hafi þeir gert grein fyrir fundarefninu.  Afl atkvæða ræður úrslitum á stjórnarfundi,

þó er ályktun því aðeins lögleg að tveir fundarmenn hið fæsta samþykki hana.

Falli atkvæði jafnt ræður atkvæði formanns.  Stjórn hefur í hendi sér allar framkvæmdir milli

aðalfunda, hefur eftirlit með félaginu og kemur fram fyrir hönd félagsins. 

Formaður ásamt tveimur meðstjórnendum þarf til að skuldbinda félagið með undirskriftum sínum.

20.gr .

Félagið ber ekki ábyrgð á slysum eða meiðslum sem af hljótast vegna æfinga eða ferða

með félaginu.

21gr .

Úrsögn úr félaginu skal vera skrifleg og send stjórn félagsins.  Úrsögn tekur gildi mánuði

eftir að hún barst stjórninni.  Félagsgjöld eru ekki endurgreidd þó að við úrsögn sé ekki

liðið yfirstandandi gjaldár.

22.gr .

Brjóti félagi lög eða reglur félagsins, sýnir agaleysi, vítavert eða ítrekað athæfi er

stjórninni heimilt að setja hann í bann í tiltekinn tíma . Bann skal tilkynnast félagsmanni

og skal hann fá andmælarétt. Stjórn getur vikið félaga úr félaginu við ítrekuð alvarleg

brot en félaga er heimilt að áfrýja til næsta aðalfundar.